منگلورو 26/ اکتوبر (ایس او نیوز) گہرے سمندر میں شکار کے دوران ماہی گیروں کے جال میں 1500 کلوگرام وزنی مچھلی پھنس گئی جسے دوبارہ سمندر میں چھوڑ دیا گیا ۔
اطلاع کے مطابق شارک کی اقسام سےتعلق رکھنے والی یہ دیو ہیکل مچھلی بحیرہ عرب میں ماہی گیروں کے دوران ساگر نامی کشتی کے جال میں پھنسی تھی ۔ چونکہ اس مچھلی کا شکار قانونی طور پر ممنوع ہے اس لئے ایک کرین کی مدد سے اس مچھلی کو دوبارہ سمندر میں چھوڑ دیا گیا مگر ماہی گیروں نے اس منظر کو اپنے موبائل کیمرے میں قید کرلیا اور اب اس کی ویڈیو کلپ سوشیل میڈیا پر وائرل ہوگئی ہے ۔